د حضرت زینب کبری(ص)نیکمرغه زوکړه دې پرټولو مبارک وي

تهران (ایکنا) - د جمادی الاول پنځمه نیټه د  اسلام دګران پیغمبر د یوې ګرانې لمسئ  او د کربلا د حماسې بیرغوالې زینب کبری سلام ا... علیها د نیکمرغه زوکړې کلیزه ده .

حضرت زینب سلام ا... علیها د په درستو وختونو کې د ظلم په خلاف او د درستو آزادي غواړو انسانانو لپاره د بیلګې او اسوې په توګه مطرح ده ، په دې خاطر چې په کربلا میدان کې د حضرت امام حسین علیه السلام  ترڅنګ  ئې له هغو منحرفو اومتحجرو سره کلکه مبارزه کړې چې د اسلام ددفاع په نامې سره ئې د کربلا غمیزه رامینځةکړه . له دغې غمیزې وروسته  حضرت زینب بی بی  او حضرت امام سجاد علیه السلام د کربلا دحماسې بیرغوال شول او پخپلو رزینو خطبو او ایشواکونو سره ئې نړۍ ته د کربلا دحماسې پيغام ورساوه او  اوس  د هغه مهال د طاغوت او ظالم واکمن یزید هیڅ نامه  او نښه نشته او  د شهیدانو دسردار امام حسین علیه السلام  او د هغه دبزرګوار   دوفادارو  ملګرو نامه  به تر قیامته ژوندئ او بیلګه وي .

په دې مناسبت ټولو پتمنو او په تیره بیا داهل بیت علیهم السلام  مینه والو ته د زړه له کومې مبارکي  وایوو.